Qazdadı
(zarafatyana)


Mənzum məktubuma cavab yazanda,
Vahid “quş” buraxdı, Sakit “qazdadı,”
Donmuş bud qaynadan daim qazanda,
Hardan bilər, necə olur qaz dadı?..

Dostlar rəydə rica etdi Eldardan,
Fikrini bildirsin, çıxsın el dardan…
Ya cavab ver, ya da bizi, Eldar, dan,
Qələmini külüng elə, qaz dadı.

Təcnis yazmaq deyil adi oyun, a…
Girdin dəyirmana döndün oy! Una,
Çoxları cəhd edib mənlə oyuna,
Əlimdən çəkibdi neçə “qaz” dadı.

Çingiz, deyilənə əməl di, et də…
Bunlar yeyib – içir, sənsə dietdə,
Təbimi öldürə bilməz diet də,
Cismim əyləcdədi, ruhum qazdadı!

30. 12. 2019.
Çimgiz Kürdəmirli.
www.kafiye.net

huseyindurmus