Qəlbim
Qəlbim dərdlərimin əlində dustaq…
Bəxtim uçuq-sökük koma kimidir.
Ağır yük altında batan gəmiyəm,
Ümidlərim tutqun səma kimidir.
Bu namərd dünyada kimə güvənim?
Güvəndiyim dağa qar yağıb mənim.
İtirəm içində dumanın-çənin,
Taleyim bir ögey ana kimidir.
Güvəndiyim dağa qar yağıb mənim.
İtirəm içində dumanın-çənin,
Taleyim bir ögey ana kimidir.
Mən ki zəbanilər qismətindəyəm…
Haqdan gələn səsin həsrətindəyəm,
Ruhum göldən ayrı sona kimidir.
Qırıb qollarımda bu zəncirləri,
Görəydim çəkdiyim acı günlərim
Artıq unudulmuş sima kimidir…
02.11.2017
Tamara Rustamova Tenha Bulud
