Pünhan
Sevgi
Gözələ gözəlsən deməyə nə var,
Hüsnünə min naxış düzməyə nə var,
Xumar baxışlarla süzməyə nə var,
Qəlbində gizlənmiş pünhan sevgini,
Dalğalar qoynuna atmağa nə var.
Hər sevgi müqəddəs deyildir, bilin,
Ürəkdən sevinin, ürəkdən gülün,
Yalanı, böhtanı kökündən silin,
Sevgi atəşində yanırsa dilin,
Əğyara əlvida deməyə nə var.
Utanmaq – sevginin dadı – duzudur,
Sanki göydən gələn dadlı ruzudur,
Ülvi təbəssümdür, ən xoş arzudur,
Son sözün nöqtəsi, bax elə budur,
Sevgiyə qarşılıq verməyə nə var.!
Müəllif: Elmaya Cabbarova.
14.02.2022.
www.kafiye.net
