Ömür kitabım

Gündəlik yazmışam ömür yolundan,
Hərdən vərəqlərə nəzər salıram.
Hər vərəq xatirə,hər vərəq yaddaş,
Hər vərəq sonunda donub qalıram.


İlk vərəq ömrümün gənclik çağından,
Bircə o vərəği boş saxlamışam.
Olmayan bir şeydən nə yazım axı?
Gözümdən bir damla yaş saxlamışam.


Ömür kitabımın hər, vərəğində,
Sevinclə kədəri qoşa yazmışam.
İçimdə boğulub qalan kəlmələr,
Onu suya deyib, daşa yazmışam.


Beləcə ağacdan düşən yarpaqtək,
Hər vərəq bir yarpaq olub, saralmış.
Asılıb qalmışam xatirələrdən,
Xatirə qəlbimdə əcəb yer almış.



Səadət Qərib

www.kafiye.net

huseyindurmus