On ildə bir dəst geyim,
Yox imkanım, neyləyim,
Çoxdan ölüb eşşəyim,
Çul nəyimə gərəkdi…

Avropadan “yel” əsdi…
Ölən milli həvəsdi,
Qarışqa mənə bəsdi,
Fil nəyimə gərəkdi…

Sədləri aşmıramsa,
Dəryadək coşmuramsa,
Əgər danışmıramsa,
Dil nəyimə gərəkdi…

Ölən günü hayxırıb,
Üçdə, yeddidə tıxıb,
Qırxımız çoxdan çıxıb,
İl nəyimə gərəkdi…

Mənliyimiz sökülüb,
Neçə boyun bükülüb,
Dağlara dağ çəkiib,
Çöl nəyimə gərəkdi…

Kənarları hörülən,
Bizə haram görülən,
Ekranda göstərilən,
Göl nəyimə gərəkdi…

Nə taqət qalıb, nə hal,
Çingiz edir qeylü-qal,
Varsa üzdə qoşa xal,
Çil nəyimə gərəkdi…

15.09. 2016.
Çingiz Kürdəmirli
www.kafiye.net