Qərənfillər şəhid olub,
Üstü -başı qanla dolub.
Nə olubsa,mənə olub…
Sənə nərgiz gətirmişəm.

Oxşamışam səhər axşam,
Sevə-sevə bitirmişəm.
Qalx ayağa şəhid balam,
Sənə nərgiz gətirmişəm.

Rənginə bax-sən seçdiyin,
Gəlinliyin rəngindədir…
Ətrinə bax – o sevdiyin, 
Saçlarının ətrindədir…

Qalx ayağa igid balam,
Könlüm,hələ cəngindədir!..
Şəhid olan qərənfilin,
Al-qırmızı rəngindədir!..

Sənə nərgiz gətirmişəm,
Küsmə deyə qərənfildən…
Şəhidlər ölməz!- deyirler,
Vətən bölünməz!-deyirlər.
Qalx ayağa sən qəfildən!

Sənə nərgiz gətirmişəm…
Raifə Sərxanqızı
18.01.2014 15.52
Bakı Azərbaycan

www.kafiye.net