Güllərin nazlısı, güllərin təri,
Necədə qəşəngsən, ay nazlı pəri,
Sən ey həyatımın nurlu səhəri,
Canım, nə yaxşı ki, ömrümə gəldin.

Gül-çiçək içindən mən səni dərdim,
Səni görən gündən olmadı dərdim,
Bəs sən olmasaydın mən neyləyərdim?
Canım, nə yaxşı ki, ömrümə gəldin.

Sən mənə sevdirdin bütün dünyanı,
Sənə qurban dedim bu şirin canı,
Ey könül mülkünün nazlı ceyranı,
Canım, nə yaxşı ki, ömrümə gəldin.

Cənnətin qapısın açdın üzümə,
Bal qatdın nəğməmə, hər bir sözümə,
Qayıtdım təzədən özüm, özümə,
Canım, nə yaxşı ki, ömrümə gəldin.

ƏZİZ MUSA.
www.kafiye.net