Məndən küsəndə
Tər çiçəklər bağça-bağı bəzərlər,
Quşlar göy üzündə qoşa süzərlər,
Doğru sözmüş uman yerdən küsərlər.
Hər şeydən əl üzmə məndən küsəndə,
Dünyadan da küsmə məndən küsəndə.
Məhəbbətdir bu dünyanın məhvəri,
Xəzinədir könül adlı gövhəri,
Munisinə rəva görmə dərd -səri.
Hər şeydən əl üzmə məndən küsəndə,
Dünyadan da küsmə məndən küsəndə.
Tənha Bulud sevgi dolu ürəkdir,
Təkcə nəfəsiylə sənə köməkdir.
Dəymədüşər olmaq nəyə gərəkdir?
Hər şeydən əl üzmə məndən küsəndə,
Dünyadan da küsmə məndən küsəndə.
Tamara Rustamova Tenha Bulud
www.kafiye.net
