Kəmkəsir
10.04.22
Gözümün yaşıyla nələr etmədim…
Demə sulamışam bitməyən yeri.
Çan verdim canımdan kama yetmədim.
“Cənnət”bildim bülbül ötməyən yeri.
Xeyir yetirməmiş şərini gördüm.
Şirini daddırıb, acını dərdim .
Yarama məlhəmtək şerini sərdim,
Göynətdi onun da, örtməyən yeri.
Yaxşını uc-uca hey calasam da,
Pisini içimdə mən qalasam da,
Doymaqçün qaşığı çox yalasam da,
Qaldı kəmkəsirin yetməyən yeri .
Fəridə Köçərli.
www.kafiye.net
