Aslan pəncəsində ceyran olaram,
Qartal caynağında al qan olaram,
Yaşııl düzlərində heyvan olaram;
Məni bu dünyaya insan gətirmə!

Hər gün bir-birinin ətini didən,
Qardaşın ağzının tikəsin güdən,
Qonşusu ac ikən Məkkəyə gedən,
Kəbə Minasına qurban gətirmə,
Məni bu dünyaya insan gətirmə!

Kinindən başına dünya dar olan,
Paxılllıqdan işi ahu-zar olan,
Haqqı görməyəcək qədər kor olan,
Gözləri pərdədən duman gətürmə,
Məni bu dünyaya insan gətirmə!

Günü zövqü-səfa,eyş-işrət olan,
Fikrində fırıldaq,dilində yalan,
Dost kimi görünən bir əfi ilan,
Bu donda dünyaya insan gətirmə

Nəfəsim daralır,boğuluram mən,
Hər gecə ölürəm,doğuluram mən,
Ruhum parşa-parça dağılıram mən,
Məni bu dünyaya insan gətirmə.

Sil başdan yaz taleyimi,ey Məbud!
Məni dərgahından Yerə ötürmə!
Əmrinə amadə bu Tənha Bulud,
Məni bu dünyaya insan gətirmə.

15.06.2019/
Tamara Rustemova Tənha Bulud
www.kafiye.net