*İlham Fərizə* dastanı ∞

{ Nə qədər qəhərli olsa da, yenə bir qürur duyuruq, adı gələndə müqəddəs sevginin ölməzləriylə, əbədi yaşayan İlhamla, Fərizəylə.}

Dastanlar yazmışdı köhnə nəsillər,

Yenisini yazdı, İlham Fərizə.

Üstündən çox keçib illər, fəsillər,

Yaddaşda qalacaq *İlham Fərizə*.

Məhəbbəti safdı, çox güclü idi,

Arzusu ümmandı, sahilsiz idi,

Namərd nişan aldı, amansız idi,

Mərmiyə tuş gəldi, İlham Fərizə.

Oxudu nəğməsin saf məhəbbətin,

Göstərdi aləmə öz cəsarətin,

İçdi sədaqətin vəfa şərbətin,

Dillərdə dastandır *İlham Fərizə!*

Müəllif: Elmaya Cabbarova.

30.06.2022.
www.kafiye.net

huseyindurmus