İGİD .
Şəhid general Polad Həşimovun xatirəsinə
Nurlu simasına ,gülər üzünə
Polad əqidəsi yaraşan igid!
Açdın neçə cığır,açdın neçə yol,
Əsgərlə səngərdə vuruşan igid!
Mübarək şəhidlik zirvəsindəsən
Qanıyla torpağa qatılan igid!
Artıq əbədiyyət nəgməsindəsən
Əcəlin qoynuna atılan igid!
Başın əyilməsin ,dik dur ,Vətənim !
Sənin Polad kimi generalın var !
Neçə oğullara örnək olacaq
Anar, Yaşar kimi igidlərin var!
Sevin ,Ana yurdum,Ana Vətənim
Səni candan artıq sevənlərin var!
Fəxrlə deyirəm ,qürur duyuram
Qisasa yol açan igidlərin var!
20.07.2020.Əsmər Bağırova
