Ay sizə işığın salan ərəfə,
Gəlib pəncərəmi döyür xəyalın.
Bəlkə də kölgəsən, arzuladığım,
Bəs niyə gözümə dəyir xəyalın?

Payızın sarışın eşqi yenə də,
Özünü asırmı döş qəfəsində?
Qəlbinə yığdığın soyuq payızın,
Ətrini duyuram hər nəfəsində.

Dəli bir küləklə əsdi arzular,
Mənimçün xəyala dalırsanmı heç?
Hər gecə könlümə qonaq gələnim,
Bir yolluq ömrümdə qalırsanmı heç?!

Müəllif: Şəhla Ramazanqızı
www.kafiye.net