İlk sevgim nakam olubdu ,
Gözlərim yaşla dolubdu,
İlham pərim qovulubdu,
Bir də çətin görəcəyəm,

Gəlib çatmışam bu yaşa,
Başım dəyib daşdan-daşa,
Bənzərəm köçəri quşa,
Bu diyardan gedəcəyəm.

Şimşək kimi bir anlığa,
Cumub qatı qaranlığa,
Xidmət edib insanlığa,
Nadanlığa güləcəyəm.

Yurdumuzun düzlərində,
Gözəllərin gözlərində,
Aşiqlərin sözlərində,
Nəğmə kimi bitəcəyəm.

Əcdadına xor baxana,
Millətə qara yaxana,
Xalqın malını tıxana,
Hər nə gəldi deyəcəyəm.

Dönük dövran dağlasa da,
Köksüm yara bağlasa da,
Ürəyim qan ağlasa da,
Gülə-gülə öləcəyəm..

Çingiz Kürdəmirli.
www.kafiye.net