Ağıl umdum, ürəyimdən-dəlimdən,
Sanki, nəsə duyacaqdım dilindən,
Getdin,axı nə gələrdi əlimdən,
Mən baxdım arxanca, hey fağır-fağır,
Çağir, o illəri geriyə çağır.

Düşündüm ki,ömrü böləm sənlə tən,
Fəqət,sənsiz saçlarıma düşdü dən,
Yadındadı,yağış yağdı,o gündən,
Hər sən gedən günü,gur yağış yağır,
Çağir,o illəri geriyə çağır.

Nə bilərdim,xatirəyə dönərsən,
Rəhimlidən uzaqda isinərsən,
Qayıtsan,daha başqa mən görərsən,
Dözürəm,sənsizlik olsa da ağır,
Çağir,o illəri geriyə çağır.

Müəllif:Aygün Rəhimli
www.kafiye.net