Yersiz tənələrə dözüb gəlmişəm,
Tənhalıq əlindən bezib gəlmişəm.
Ömrümü nizama düzüb gəlmişəm,
Bircə işarəmdən qananlar qansın.
Bir “Cəngi” çal, qoy subaylar oyansın!

Toyumuzda qol qaldırıb oynayaq, 
Kədəri, qüssəni geridə qoyaq.
Tanrı əhdimizə olacaq dayaq,
Zərif əllərinə xına boyansın.
Bir “Cəngi” çal, qoy subaylar oyansın!

Bəxtim gətiribdi sən kimi bəylə,
Pünhanə, sevgini gəl agah eylə,
Hərdən qulağıma sevirəm söylə.
Elə qışqır, axar sular dayansın.
Bir “Cəngi” çal, qoy subaylar oyansın!

Punhane  Eliyeva
www.kafiye.net