Zaman zaman əlləriniz,
Batdı müsəlman qanına,
Necə dözdü daş qəlbiniz?
Körpələrin harayına.

Yoxmu bir damla qanınız,
Ya kormudur vicdanınız?
Xristian ya müsəlman,
Bir deyilmi Allahınız!.

Torpaq altda körpələri,
Quyladınız diri diri.
Sanki ala bayquş olub,
Sevdiniz xərabələri.

Yoxmu sizi doğan ana?
Necə qıyırsınız cana?
Sızlamırmı ürəyiniz,
Anaların göz yaşına.

Unutmayın zaman -zaman,
Allah olar haqqa hayan.
Olmayacaq tanrı sizə,
Nə Sarkisyan,nə Balayan.

Düşünün ki Tanrı bir gün,
Zəhər qatıb aşınıza,
Böyük dövlət arzunuzu,
Uçuracaq başınıza.

Mənim xalqım,hər gün,hər an,
Haqq yolunda verəcək can.
Öz gücüylə yaradacaq,
Böyük,bütöv Azərbaycan.

Müəllif.Mətanət Duyğulu.
18.02.2017.
www.kafiye.net