DAĞLARIN.

Hər yerdə əriyib suya dönübdür,
Quzeydə qalıbdır qarı dağların.
Daim zirvəsinə qartal enibdi,
Lalədir,nərgizdir barı dağların.
**
Qəmli görünəndə qəlb qubar verir,
Dağlar verdiyini çox kübar verir,
Bağlar alma verir,bağlar nar verir,
Vüqardır,qürurdur varı dağların.
**
Mehrindən,sehrindən eşq hopur qana,
Havası məlhəmdir,güc verir cana,
Sürünür düşməni çalmaqdan yana,
Ondan zəhərlidir marı dağların..
**
Qeyrətlə qoruyur torpağın,daşın,
Yaşı da bəllidir ,gizlətmir yaşın,
Dağlar ona görə dik tutur başın,
Ucadır namusu,arı dağların..

huseyindurmus