BU İNSAN
Heydərim haqqa əl uzatdı haqla
Səy etdi yarada,qura bu insan.
Azadlıq donunu bəxş etdi xalqa
Qoymadı geyinsin qara ,bu insan.
**
Tər tökdü,bilmədi dincəlmək nədi
Ona məhəbbətim duam,səcdədi
Yalnız el yolunda ömrün xərclədi
Baxmadı gözucu vara bu insan.
**
Yalnız xeyirxahlıq bəslədi canda
Yaşadı ürəkdə,yaşadı qanda
Həkimlik peşəsi yoxsa da onda
Tapdı hər mərəzə çarə bu insan.
**
Baxdı millətinə cah-cəlal kimi
Kamal görməmişdim bu kamal kimi
Vətəni,xalqını istiqlal kimi
Çatdırdı behere,bara bu insan.
**
O mənim xalqıma iftixar verib
Ölməyib,əməli yenə bar verib
Pəbbim öz yanında ona yer verib
Gör qalxa bilibdi hara bu insan?
Nazlı Hacılı.
www.kafiye.net
