Bu gecə.

Qəm yemə,qəm çəkmə divanə könlüm,
Yetirrəm bil səni yarə bu gecə!
Baş alıb getmə gəl eldən,obadan,
Gəl etmə bağrımı parə bu gecə!
*
Yar əgər əhdinə dönük çıxarsa,
Nadanlıq eyləyib ürək yıxarsa,
Səndən qeyri özgəsinə baxarsa,
Son qoyaram əhd-ilqara bu gecə!
*
Çəkmə hicran qəmin,bir az döz dayan,
Xabi-qəflətdəsən,yatmısan oyan,
Əhdinə sadiq ol,sözündə dayan,
Vermə öz ovunu sarə bu gecə!
*
Ol gülü rənadan dönmə belə tez,
Kim deyir eşqindən dönük olub bez,
Özün yet sonuna hər bir sözü çöž,
Gətirmə bülbülü zarə bu gecə!
*
Yarın xəyalıyla çəkib acını,
Bil uca tutmuşam eşqin tacını,
Solmazam,taparam dərd əlacıňı,
Edərəm dərdinə çarə bu gecə!

Solmaz Şirvanlı
07-05-2018
www.kafiye.net

huseyindurmus