Bir sətir nəfəs

Günbəgün
Sökür qəlbimi, bu dərd
Misra-misra, söz-söz..
Nə dinə, nə də danışa
Bilirəm…
Sevinc-gülüş qapılarım da,
Örtülüb üzümə,
Xoşbəxtlik bir misra
Uzaqdır mənə
Ulduzlar qədər,
Günəş qədər, ay qədər…
Uzaq….
Dərdin saçlarına ağlar düşüb,
Qəmdən, kədərdən,
Fikirdən…
Ömrüm yarpaq-yarpaq saralır,
Günəşin gözlərinin rəngində…
Könlümün çiçək bağçasını
Şaxta vurub,intizardan…
Onları isitməyə bir sətir
Nəfəs belə tapılmır…
Bir sətir nəfəs…..

Ülvi Ələkbərzadə
www.kafiye.net

huseyindurmus