Göylər axıdanda göz yaşlarını,
Həsrət yağışları yadıma düşür. 
Unuda bilmirəm baxışlarını, 
 Aynaya baxanda mənlə görüşür.

Filmtək canlanır xatirələrdə,
Yağışda islanır tellərim indi. 
 Sığınıb o cansız xatirələrə,
Göynərir, titrəyir əllərim indi.

Hələ də qəlbində yaşayıramsa,
Həsrəti vüsala bələyək Canım.
Qəlbintək mən də eşq daşıyıramsa,
Dünyaya sevilmək diləyək, Canım

Müəllif: Şəhla Ramazanqızı
www.kafiye.net