Azərbaycan dili
Hər bir xalqın öz dili var dünyada,
Kimsə bilməz nə sehir var bu dildə,
Mən söyləyim öz yurdumun dilindən,
Noğul, nabat, şəkər, bal var bu dildə,
Şirinliyi qatı gəldi, çoxuna,
Acı zəhər sürtdü yaylım oxuna,
Nişan aldı, dəydi öz var – yoxuna,
Sirr var, sehir, əzəmət var bu dildə.
Xiridarlar yaşadı hər sözündə,
Ucaldılar hər bir kəsin gözündə,
Dünya – aləm qoy bilsin Yer üzündə,
Türk milləti danışacaq bu dildə.
Müəllif: Elmaya Cabbarova.
19.02.2022.
www.kafiye.net
