şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Рубайи
Ниети каралардан кутулуунун жолу бир,
Ал сорулган айлампага чочубастан кошо кир.
Нени алдың же албадың..абийириңе койолу,
Кайсыл жолду тандарыңы ,эми досум өзүң бил.
***
Тетирленип калдың досум,хан тактысын алгандай,
Жыртык мээңе жыртык ойду жамабастан салгандай.
Кызмат- сынак экендиги ойуңа да келбестир,
Кимдин кими аныкталып тоок көчүгү айланбай.
***
Короздой мага карай атырылдың,
Ычкырын мен чечкендей катыныңдын.
Оозуңа берсем болмок, болбогондо,
Катының иш башчысы катынымдын.
***
Жамандык кылалбасам туралбаймын,
Жамандан дүйнөм алып ырахатын..
Ниетти түз нугуна буралбаймын,
Кыянат гана менин ыракматым.
***
Көралбастан көралбас,
Көр албастан көр албас.
Биз эмей анан кимиси,
Өлалбастан өлалбас.
***
Түмөн жол бут алдыңда… кысып көзүн,
А бирок бири гана кубат күчүң.
Тандоочу тагдыр эмес, жалгыз өзүң,
Ошол жол жомок түшүң,тозок үшүң.
***
Өкүнгөндөн не табасың түш соңу,
Кимге кызык арманыңын бар жогу.
Пенделик да, оорлошуп кетчүдөй,
Айтпаганда жок дегенде бир жолу.
***
Кой-айга кожоң жогунан ыйман качканы,
Ырыскың ынжып ырысын түгөл чачканы.
Эсиңи жыйып, акылың пеште дегендей,
Жакшыдан эмес, жамандан кабар айтканы.
Калдарбек Койлубайтегин (Шалка)
www.kafiye.net
Yorum Yapın