Эмне таптым?

Бул жашоого жаралып эмне таптым?
Түгөнбөгөн сыры бар ырды таптым.
Тандап жүрүп маңыздуу сөз берметин,
Аздыр көптүр эл ичинен сыйды таптым.

Бул жашоого жаралып эмне таптым?
Сыйга кошуп бир канча сыйлык таптым.
Сыйлыктарым түндөсү шерик болбой,
Жалгызданып жашыруун ыйды таптым.

Бул жашоого жаралып эмне таптым?
Ыйлап жүрүп сооротор медер таптым.
Ал медерим махабат сүйүү болуп,
Өмүрүмдүн кызыктуу күнүн таптым.

Райбекова А
www.kafiye.net

huseyindurmus