Табам деп бакыт эмгектен,

Табам деп бакыт эмгектен,

Таалайдын жолу мен кеткен.

Алыстап калган артымда,

Айылымда канча берметтер.

Шыңгыры мөлтүр булактын,

Тоолордон өтүп убактым.

Арчалуу бийик карагай,

Маңдайга бүткөн бу-бактым.

Сагынсаң көлдүн көркүн өп,

Аккуусу сулуу мөлтүрөп.

Жан-дүйнөң тынчыйт заматта,

Калгандай болуп көл түнөп.

Ак -булут ороп асманын,

Айылым менин дастаным.

Күн чыгат алда немедей,

Боорунан берки асканын.

Соорусу жердин-Түргөнүм,

Ал жакта дайым бир көөнүм.

Кандай бир адам сагынбайт,

Бактылуу ошол күндөрүн.

Башталат жолдор-элеттен.

Жакшыга кимдер келет тең?

Жүрөйүн дейсиң жуурулуп,

Чыгып бир калбай керектен.

Энедей анан болобу?

Кыз бала үйдүн коногу.

Төш алып жүрүп төркүндө,

Төрт күндөн өтсө жомогу.

Максатгуль Медербековна Жанузакова  /Maksatgul Mederbekovna Zhanuzakova
www.kafiye.net