Көңүл баркы

Ченемдүү чегерилген – жашоо наркы,

Чегилген тагдырларга – өмүр ар кыл.

Дил сөзүн сүйлөп берчи, карегиме-ээ,

Ким билет, кимдер баалайт – көңүл баркын.

Айнеги кирдебесин жан дүйнөнүн,

Айткыла аралжы сөз, ким билгенин.

Баш бербес, тил укпаган сезим эке-ээн,

Андыктан ак сүйүүгө кайдигермин.

Эч нерсе дебейм эми кайдигермин)

Күпүлдөйт тунгуюктан көкүрөгүң,

Көксөөсү көлкүлдөйбү көп күндөрдүн?

Көөдөндө уюп калган бул сезимди-иин,

Унутуп калыптырмын кекчилдигин.



Ашира
www.kafiye.net

huseyindurmus