БОБОЛАРИМ ЮРТИ
Шонли аждодларим матонатидан
Тоғдек қад ростлаган қутлуғ Ватаним.
Момоларим эккан райҳон атридан
Хуш исга чулғанган гўзал чаманим.
Бағрингда азалдан мардлар яшаган
Шиори ҳалоллик, севмас рибони.
Гул юзига парда – рўмол ташлаган
Ӯзбегойим устун билар ибони.
Самарқанду Хива, Қӯқон, Бухоро,
Жиззах, Термиз, Қарши, Тошкент, Гулистон.
Андижону Наманган ва Фарғона
Нукус, Тӯрткӯл, Урганч – яшнаган бӯстон.
Кумушбиби излари бор ҳойнаҳой,
Марғилонга қилсам арзир жон нисор.
Шаҳрисабзда осмонўпар Оқсарой
Темур бобом қудратидан бир мисол.
Тафаккурнинг ёрқин, нодир тимсоли
Улуғбекдек доно ўғлонларинг бор.
Тўмарисдан ўрнак, андоза олган
Нодирадек жасур қизларинг бисёр.
Шароф ота туғилган юрт Жиззахга
Борсам юрак ифтихорга тўлади.
Ўзбекистон номин оламга ёйган
Асл шоир шу ўлкадан бўлади.
Етти пуштим хоки сенинг бағрингда,
Нурли, гӯзал масканисан дунёнинг.
Ўтмишингда ва бугунги чоғингда
Ўчоғисан маърифатнинг, зиёнинг.
Айвонига қалдирғочлар ин қурган
Кӯнгли тоза, оқ юракли жон элим.
Аждодларин доим улуғлаб юрган
Қаддидан ҳам қадри улуғ хон элим.
Қайда бўлмай сени ўйлаб юргайман
Ёдинг билан кечар ҳар лаҳза, оним.
Жонимдан – да сени ортиқ кўргайман
Боболарим юрти – Ўзбекистоним!
2020-2023
Hasan Xolmırza Goyib
www.kafiye.net
