Бар болуңуз
Бүгүн дагы ойгондум да сагындым.
Бүткүл ээлеп жүрөгүмдү, жанымды…
Же болбосо сизди издеп кеткендей,
Жан дүйнөмүн, акылымын жарымы.
Чексиз көктө адашкан, булуттар ай,
Ченеми жок кусаны унут албайм.
Мыйзамы жок сүйүүнүн – деген менен,
Мыйзамындай жашоонун.., ушул кандай?
Дем-күч берет жакшы сөз – жардамыңыз,
Делбиреген желаргыдай – арманыбыз.
Ушул арман, бул сагынуу, кусалык да –
жарым бакыт. Эх жаным, бар болуңуз.
Ашира Кулишева
