БАЛАЛЫК

Жомок менен биз эртерээк коштоштук,
Апам окуп, эпостордон достоштук.
Мухитинин бир тамчысы азгырып,
Адабият котормодон окудук.

Алыкулдун ак боз атын камчылап,
Балалыктан кырга чыктым артынып.
Убакытты мезгил уурдап жашынса,
Турам азыр аруулукка көз артып.

Келечекке койгон мүдөөм бийиктир,
Кылчактабай камчы чабуум керектир.
Алга сүрөп эч байкатпай акырын,
Качан эле тагдыр камыт илиптир.

Эх балачак, гүлдөп бүткөн бир доорсуң,
Сагындырган алыстагы бир боорсуң.
Сен өзүңсүң башталышы кечемдин,
Эскерүүдө кездешүүчү жол болсун.

Нускат Манкушева.

www.kafiye.net

huseyindurmus