OLAYDI.
Aylarla, illərlə həsrət çəkdiyin,
Uğruna bir ömür qurban verdiyin,
Gecə də gündüz də xəyal qurduğun,
Sənə nəfəs verən yarın olaydı.
Qarşısında
diz çöküb, yalvardığın,
Əlin tutub, gözlərinə baxdığın,
Gözəl yardan *hə* sözünü aldığın,
Tarix olan o günlərin olaydı.
Keçən
ömür bir də geri qayıtmaz,
Unutduğun xatirədən sayılmaz,
Ruh olmasa, heç vaxt dastan yazılmaz,
Dillərdə oxunan nəğmən olaydı.
Çox
çətin olsa da həyat yolları,
Qıra bilməz sadiq qalan qolları,
Açıq, – aydın görmək olmur ruhları,
Gönül körpüsündə gəzən olaydı.
Səmada
ulduzlar hey sayrışanda,
Ay nurunu Yer üzünə yayanda,
Sevən könlün bir divanə olanda,
Sol yanında nazlı yarın olaydı.
Elmaya Cabbarova
10.10.2021.
www.kafiye.net
