Ağır gəlir
Ağır gəlir bəzən həyat
Yorulursan yavaş yavaş.
Ömrü ip tək üzən həyat,
Qırılırsan yavaş yavaş.
Parça parça ,tikə tikə,
Can da dözmür belə yükə,
Şəhər şəhər, ölkə ölkə,
Dağılırsan yavaş yavaş.
Tüstüsü gözəl dağılır,
Göz yaşına dərd yığılır,
Ürəklə ürək sıxılır,
Boğulursan yavaş yavaş.
Səsin göydə cana gəlir,
Ruhun yana yana gəlir,
Göydən təzə ana gəlir,
Doğulursan yavaş yavaş.
Dilşad Araz
