Qaranquşlar yenə dönür
Köçdükləri yuvaya
Mənim yurdum bənzər yenə
Alı-güllü b xonçaya.

Tumurcuqlar bəzəyibdir
Ağacların budağın
Yenə ruhu təzələnib
İncə belli qovağın.

Oyanıbdır ana Torpaq
Baharını gözləyir
Açıb geniş sinəsini
Qucağına səsləyir.

Bir büsat var bugün eldə
Küsülülər barışır
Hamı deyir-hamı gülür
Oğlan qızla yarışır.

Çox sevinir elim mənim
Elimə bahar gəlir.
Bu gün fəsillər dəyişir
Gül-çiçəkli yaz gəlir.

Nahidə Tağıyeva
www.kafiye.net