Mən.
Deyirsən deyişək,nədən başlayaq,
Dünyanın qəminə yüklənmişəm mən.
Mən karvan önündə bir saribanam,
Bax üzü yoxuşa diklənmişəm mən.
***********
Sənsizlik yükünü çəkə bilmirəm,
Gözümdə yaş donub tökə bilmirəm,
Bu sınıq ürəyi tikə bilmirəm,
Tay-tuş arasında təklənmişəm mən.
*********
Ay Solmaz,eyləmə yenə gileyi,
Rəbbim özü yazır bəxti,taleyi,
Olmusan,olarsan Haqqın mələyi,
Şerə,musiqiyə köklənmişəm mən.
15-09-2016
Solmaz Şirvanlı
www.kafiye.net
