SƏNİN.

Sərv qamətinə,boyuna qurban,
Bu gün bəhs edəcəm boyundan sənin.
Qəlbinin məhəbbət layına qurban,
Yəqin bu bağlıdır soyundan sənin.

Hərdən şər olanda aramızda yox,
Qeybətin gözünə ox batıbdı,ox,
Mən dana bilmərəm çox olubdu,çox,
İçmişəm mehrinin suyundan sənin.

Müdrik kəlamları sırğa etmişəm,
Namərd düşüncəylə qovğa etmişəm,
Ruhumu ruhuna siyğe etmişəm,
Mən də su götürüm quyundan sənin.

Yaxın gəl,hicrana ta dözümüm yox,
Saf-çürük etmişəm ,heççözümün yox,
Hamının xəbəri var,özünün yox,
Başına açılan oyundan sənin.

Hacılı duyubdur o göz sevgini,
Həm baxış anladıb,həm göz sevgini,
Mini dünya versə,sən öz sevgini,
Heç nə əziz olmaz payından sənin.

huseyindurmus