şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Həsrət nəğməsi.
Qəmdən zər-zibalı yazılan baxtım.
Rüzgarı telimə hey sığal oldu.
Vədəsiz yıxıldı atalı taxtım,
Bu nisgil qəlbimə qara xal oldu.
Duyduqca kövrəldim ata nəğməsin,
İllərin sazağı göynətdi məni.
Dindi xatirəmdə dərd için-için,
Biçib qəm köynəyin inlətdi məni.
Zamanın ovcunda sıxılıb qaldım,
Xəzana büründü ömür çiçəyim.
Üzdüm əllərimi haqsız dünyadan,
Töküldü ömrümün küsən ləçəyi.
Sevda ümmanında üzən duyğular,
Dalğalar qoynunda çırpıldı daşa.
Hicran şərbətini süzüb badəmə.
Sənsizlik yaşadım səninlə qoşa.
Azdı eşq yuxulu xəyallarımda,
Gənclik illərimin qoxusu itdi.
Cavab tapmadığım suallarımda,
Ruhumda bir həsrət nəğməsi bitdi.
Xalidə Nuray. 25.07.2022
www.kafiye.net
Yorum Yapın