şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Susuruq.
Kor vicdanı məzar olar xəbisin,
Mala-pula kölə olan hərisin.
Mərhəməti olmaz ağlı naqisin,
Çəkilməz zülmündə, dərddə azırıq,
Zaman cövlan edir,bizsə susuruq.
Xalqın möhürlənib söz dodağında,
Boğulur qeyrəti öz qınağında,
Yalan, söz ovlayır düz oylağında,
Haqqa yetişməyə min sədd aşırıq,
Zaman cövlan edir,bizsə susuruq.
Ağsaq ağlı ilə ad çıxaranın,,
Soyub,talamaqla dad çıxaranın,
Ocaqlar söndürüb,od çıxaranın,
Günahına dözüb günahlaşırıq,
Zaman cövlan edir,bizsə susuruq.
Namusu şöhrətə satıb qaçanı,
Boşboğaz tərifə,sözə uçanı,
Əyyaş,şərəfsizə qucaq açanın
Nimdaş ədasına baxıb çaşırıq,
Zaman cövlan edir, bizsə susuruq .
Qeyrəti itirib cılızlaşanın,
Nəcabəti danıb, soyda azanın,
Qanı qarışdırıb azğınlaşanın,
Sınmış qələmindən min can asırıq,
Zaman cövlan edir,bizsə susuruq.
Xalidə Nuray.17.02.2022.
www.kafiye.net
Yorum Yapın