şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Mənə nə verdin ki, – qəm dolu həyat
Getdin, deməyəcəm – salamat qayıt,
Qəlbimdə nə vardı, viran elədin.
Hicran küləyinə tuş gələn kimi
Məndən yazıq-yazıq aman dilədin.
Sevgi sənin üçün nədir, yanğımı?
Sən aşiq olmağı bacarmadın heç.
Daha ürəyimdə yer vermərəm, bil,
Sanma susacaqsan, deyəcəm, gəl keç.
Mən çoxdan çıxmışam eşqin bağından,
Sənə kim dedi ki, hissimi oyat?!
Bir də gözlərinə baxa bilmərəm,
Mənə nə verdin ki, – qəm dolu həyat.
Sən mənim ömrümün acı əzabı,
Qoymaram qəlbimi hədəf seçəsən.
Mən səndən uzağam – göylə yer kimi,
Sona susqun deyil, əzib keçəsən.
Sona Abbasəliqızı
www.kafiye.net
Yorum Yapın