şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Yenə o bağ
olaydı, kaş…
Bir vaxt bizim
olan,
Sonra satılan,
Düşdükcə yadıma,
Kövrəlirəm yavaşdan.
Sənli
xatirələrim
Çözülür yumaq kimi,
Bir – bir açılır
Dəftərdə varaq kimi.
Deyirəm, ay
aman,
Gör ömrümdən nə qədər
Keçib bu zalım zaman.
Kaş yenə o vaxtlar olaydı…
Çəpərdən gizli
– gizli,
Baxaydıq, baxışaydıq.
Görənlər olsa belə,
Gəlib insaf, mürvətə
Bizə həyan
olaydı,
Bu sirri saxlayaydı.
Yarım, görəndə səni,
Dünya mənim olaydı,
Sevinəydik,
güləydik,
Xəyallara dalaydıq,
Arzudan kam alaydıq.
Əl – ələ tutuşaydıq,
Qanadlanıb
uçaydıq,
Süzüb əngin səmada,
Quşlara dost olaydıq.
Görürsənmi, sevgilim,
Arzular baldan
şirin,
Səninlə keçən anlar
Yazılıb yaddaşıma.
Taleyin oyunları,
Quyu qazıb çox
dərin,
Aramızda əsən yel,
Soyuq olsun, ya sərin,
Nə qədər nəfəsim var,
Xəyal edib
surətin,
Könlümə həkk edəcəm,
Səni daim sevəcəm.
Yenə o bağ olaydı, kaş!
Müəllif: Elmaya Cabbarova.
05.06.2023.
www.kafiye.net
Yorum Yapın