Nakam sevgi.



Sevənlərin baxışı,

Nazı da gözəl olur.

Asta-asta gülüşü,

İsmətli özəl olur.




Sevdalanmış gecəsi,

Bal qatır yuxusuna.

Mürgülü pəncərəsin,

Ay qonur yaxasına.




Ulduzlar tək sayrışır,

Göyün yeddi qatında.

Cünun tək sevilməyə,

Qalanır eşq oduna.




Ürəyində iffətlə,

Sevgisini gizləyir.

Bir aşiq ağ atlının,

Gəlişini gözləyir.




Zaman öz axarında,

Bəxti gülmür üzünə.

Qaralanmış taleyi,

Dərd yüküdü özünə.




Tənha xəyallarıyla,

Qovrulur öz içində.

Yarım qalan sevdası

Qıvrılır öz içində.




Ruhu zülmət gecədi,

Sönüb ümid çırağı,

Sarvanı ulduz olan,

Ömrün bitmir sınağı.




Xalidə Nuray.20.08.2022

www.kafiye.net