şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
ŞƏHİD ARZULAR
Nə qədər qəlblərə kədərdən cığır,
Dərddən iz saıdınız şəhid arzular.
Məgər qəm yükünüz beləmi ağır?,
Viranə qaldınız şəhid arzular.
Şirin xəyalları çəkərək dara,
Sevən ürəklərə vurdunuz yara.
Yol çəkən gözlərə, endirib qora,
Nurunu aldınız şəhid arzular.
Doymamış çiçəkli bahara-yaza,
Erkən tuş gəldiniz şaxta-ayaza.
Nə qədər anaya, gəlinə, qıza,
Göz yaşı oldunuz şəhid arzular.
Günəş şəfəqitək saçılmışdınız,
Ayın çırağından nur almışdınız.
Yenicə çiçəktək açılmışdınız,
Nə erkən soldunuz şəhid arzular.
Boy atan sevgini verib torpağa,
Bükülüb gəldiniz şanlı bayrağa.
Qızıl hərflərlə, qızıl varağa,
Bir tarix yazdınız şəhid arzular.
Müəllif.M.Duyğulu.
“Zəfər Yolçuları” kitabımdan.
www.kafiye.net
Yorum Yapın