şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Əsgər Atası
[ Real qəhrəmanlar silsiləsindən: ]
––––––––––––————————
Bir zamanlar yalnız kinoda gördük,
“Əsgər Atası”ydı o filmin adı.
Qəhrəmanı yaşlı bir ata idi,
Oğlunu görməkdi arzu – muradı.
Bir əsgərdi oğlu uzaq ellərdə
O gənc tank sürürdü müharibədə,
Qələbə qazandı bir çox döyüşdə,
Artdı atasının ümid, inamı.
Atanın ürəyi tez – tez vururdu,
O öz oğlu ilə qürur duyurdu,
Eyy, Qoderzi deyə çağırıb, durdu,
Oğul qəhrəmandı, Ata vüqarlı.
~~~~~~~~~~~~~~~~~~~~~~
Qadalar, bəlalar bizi də tapdı,
Ölkəmiz dəhşətli günlərə qaldı,
Cavanlar meylini orduya saldı,
Vətən qorumağın gəldi zamanı.
Müsəlləh əsgər tək getdi cəbhəyə,
Burada yer yoxdur heç bir şübhəyə
Göndərdi oğlunu müharibəyə,
Canından canını, din – imanını.
Sizə təqdim edim Şair İmranı,
Uğurladı Ata oğlu Kamranı.
Susdurdu qəlbində tarı – kamanı,
Bağladı çantada dəftər, kitabı.
Dözmədi ürəyi cəbhəyə getdi,
Oğluna baş çəkdi, ziyarət etdi,
Bütün əsgərlərə məsləhət verdi,
«Ey İgid, düşmənə vermə amanı!»
Gün gəldi ordumuz qələbə çaldı,
Torpağı düşmənin əlindən aldı,
İt kimi qovaraq, çuxura saldı,
Gəldi azadlığın gözəl dövranı.
Qoyduq qələbənin *ZƏFƏR* adını,
Duyduq azadlığın şirin dadını,
Artıq tanıyırıq ‘qohum – yadını’,
Hər il keçirdirik “Zəfər Paradı.”
Xoş xəbərlər gəlir tez – tez ünvana,
Oğlunuz layiqdir şərəfli ada,
Çoxlu təltiflərə, bir çox medala,
Nə şərəfli addır *Əsgər Atası!*
Elmaya Cabbarova.
26.06.2022.
www.kafiye.net
Yorum Yapın