Bu gün “Şairlər günü”dür,dəyərli şairlərimizi təbrik edirəm.Qələminiz süngü kimi düşmənin gözünü oysun,sözləriniz nur olub qaranlıq yollara işıq saçsın,ürəkləri ovlayan duyğularınız misra-misra yaddaşlara naxış toxusun!



Şair əhdi




İçimdə boy atan dərdim,

Məlhəmdi öz ürəyimə.

Dərdimlə göyərdim özüm,

Sadiqəm, şair əhdimə.




Vətən adlı qeyrətimə,

Səcdə edib əl açıram.

Bir ovuc vətən torpağın,

Şəhid qanımla qucuram.




Qırılıram büllur kimi,

Qəlbimi doğrayan sözə.

Türkəm deyən haqq səsimlə,
Haqsızı endirrəm dizə.




Bəxti dönmüş üz görəndə,

İntihar ürəyim yanar.

Haqqa bağlı göz görəndə,

Buz baxışım alovlanar.




Qəlbi zülmət olanların,

Dünyasına nur səpərəm.

Doğru deyən yalanların.

Ayağına sədd, çəpərəm.




Xalidəyəm, haqq yolunda,

Iz axtarıb, iz gəzirəm.

Vətən adlı sevgim üçün

Ürəklərdə köz gəzirəm.




Xalidə Nuray.23.08.2021

www.kafiye.net