Мугалим



Мугалим, сага зээним кейип турат,

Ачууланба эч- дегим келип турат.

Коомдогу жат көрүнүш мугалимге –

Таяк сымал, муну бары сезип туят.




Эх мугалим, окуучуга күзгү болгун,

Башатына багыт бер изги жолдун.

Окуучу эмес, опол тоодой орду кенен

Жүгү бизде тарбиясыз ушул коомдун.




Окуучуну душманыңдай карабагын,

Талимсиз, бейбаш – деп санабагын.

Биздин колдо – адеби, ыйманы да,

Керек болсо өнүгүүсү замананын.




Билем, азыр сөз укпай тайсалдаган,

Окуучунун кыялы – кайсарланган.

Бизден алган билими-тарбиясы,

Тайкы болсо, калабы кайсы аргаң..?




Ашира

www.kafiye.net