T a b l o



Mən bir rəssam olmasam da,

Xəyalımda olsa belə,

Bir tabloda yaratdığım,

Dolaşacaq eldən – elə.




Hər bəndin öz çalarını,

Öz rəngini yazıram mən,

Sözümə qədd, qamət verib,

Öz məğməmi çalıram mən.




Göy üzündə qurub hana,

Mən bir xalı toxuyuram,

İlmə – ilmə vurub naxış,

Sevgimizdən oxuyuram.




Saç telimə inci düzüb,

Qara gözü xumar süzüb,

Yar könlümü yaman üzüb,

Həsrət dolu gəzirəm mən.




Sevənlərin arasında,

Qaratikan əkməsinlər,

Azad könül bağçasında

Çəpər, sərhəd çəkməsinlər.




Tablo hazır, rəngi gözəl,

Yaratdığım şeir, qəzəl,

Min bir məna, dərki özəl,

Dolaşacaq eldən – elə.



Müəllif: Elmaya Cabbarova.

23.04.2022.

www.kafiye.net