şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
….. A Y İ Y D Ə Ç İ Ç Ə Y İ …..
( Və bu iydə çiçəyinin yanında yazdım İndiki bu şeiri də)
————————
Ay iydə çiçəyi, iydə çiçəyi,
Nələri düşündüm,nələri andım?
Sizi gördüm,mən on səkkiz yaşımda
Elə bil ki olduğuma inandım.
Sizə baxdım,yenə çıxdım yollara,
Çeşmədən qayıdan o qızı gördüm.
Görüb də əlimdə sizi yığılı,
Özündən olubdu çox razı,gördüm.
Ay iydə çiçəyi, iydə çiçəyi,
Nə süsən, nə sünbül sizə bənzəməz.
Siz olmasaz,ətir saçmaz bu yaz da,
Lalə də, nərgiz də siztək bəzənməz.
Əlimdə siz olan iydə çiçəyi
Qəfil çıxdım,mən o qıza tuş oldum.
İstədim içməyə ovuc su ondan,
O verdi, içdim də mən bihuş oldum.
Ay iydə çiçəyi, iydə çiçəyi,
Hələ də qarşımda o qız durubdu.
İçib o ovcuma tökülən suyu,
Fikrim də,ruhum da lap qudurubdu…
Ay iydə çiçəyi, iydə çiçəyi,
Siz indi burdasız,bəs o qız hanı?
Oyuydu çiçəyim,oyuydu gülüm,
Oyuydu sevdirən mənə dünyanı…
…Oyuydu sevdirən mənə dünyanı,
Şirindi həm gülü,həm də ləçəyi.
Mən onu düşündüm,mən onu andım,
Ay iydə çiçəyi, iydə çiçəyi!..
MƏZAHİR İSGƏNDƏR
13.05.2022
www.kafiye.net
Yorum Yapın