şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Ырлар
калат
Жазууга жакшы ырды ашыгамын,
Удургуйт ой учугум кайда шашып?
Колумда дептер менен калем сабым,
Калдастайм эргүүлөрүм кетпе качып.
Оң көзүм чыңалса да талыгандан,
Жазамын жан сырымды таң атырып.
Эң аялуу жүрөктөгү сезимдерди,
Ак барагым алчы өзүңө батырып.
Сол көзүм жумулса да ирмейм кайра,
Шурудай тизе берем сөздүн сабын.
Көңүлдө өйүп жүргөн санааларды,
Жаза бер тартынбастан калем сабым.
Эки көз талыганда ымдайм улам,
Сыйкыр күч алып учат күйүп-жанып.
Кайыкпа үлбүрөгөн эргүүлөрүм,
Жыгылып калсам дагы эстен танып.
Калем сап тайып түштү, колдор талды,
Чаалыккан каректер да тыным алды.
Кирпиктер ирмелишпей каткан маалда,
Сакталып ак баракта ырлар калды.
Айнура Бекболотова
12.02.2022-ж.
Кызыл-Суу.
www.kafiye.net
Yorum Yapın