EY VƏTƏN



Dağlarında qar olam,

Bağlarında bar olam,

Torpağında var olam,

Daşda bitəm, ey Vətən.




Bir gül olam bağında,

Qartal olam dağında,

Olam gənclik çağında,

Dil- dil ötəm,ey Vətən.




Nəğmə olam dillərdə,

Çiçək açam çöllərdə,

Rüzgar olam yellərdə,

Öləm- itəm, ey Vətən.




Solmazın bahar-yazı,

Sənsən söhbəti- sazı,

Qəlbində şah murazı

Sənə yetəm,ey Vətən.




Solmaz Şirvanlı {AYNAZ CƏVAHİR KƏLAM}

08-04-2022

www.kafiye.net