şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
G Ə L Ə C Ə Y Ə M M ƏN …..
Ey qələm-dəftərim, siz ey dostlarım,
Bilirəm, tezliklə öləcəyəm mən.
Eşqimi,sevgimi,məhəbbətimi
O qara torpaqla böləcəyəm mən.
Pozmayıb ürəkdən arzu,niyyəti,
Nə məni sanmayın siz müvəqqəti,
Sizlərə yan baxan hər ziy-ziynəti
Orda da qəlbimdən siləcəyəm mən.
Deməyin nə peşə,ya ki nə məşqmi,
Danmaram etdiyim ilk eşq məşqimi,
Siz qələm-dəftərə olan eşqimi
O torpaq altda da biləcəyəm mən.
Kim olar mən təki gəzən inadda?
Kim olar mən təki süzən qanadda?
İndi ağlasam da,o torpaq altda
Mənə gülənlərə güləcəyəm mən!
Ölsəm də,siz öldü deməyin mənə,
Deməyin o döndü dumana,çənə,
Ölsəm də,getsəm də ,min dönüb yenə,
Bu olan dünyaya gələcəyəm mən!
MƏZAHİR İSGƏNDƏR
29.03.2022
www.kafiye.net
Yorum Yapın