şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
XOCALIM,HƏLƏ DƏ,GÖZLƏRİN YOLLARDA QALIB…
ALLAH ŞƏHİDLƏRİMİZƏ RƏHMƏT ELƏSİN!
Şəhid Xocalım
O gecə qanıyla tarixi yazıb,
Şəhid köynəyini geydi Xocalım.
Çəkib naləsini ərşin qatına,
Əyilməz qəddini əydi Xocalım.
Şaxtalı gecənin zülmət içində,
Çatlayan torpağın dodaqları qan.
Körpə balasını basıb bağrına,
Ana qucağında can verirdi, can.
O gecə həyatın nəfəsi ağır,
O gecə sinəsi qan ağlayırdı.
Kimi körpəsini, kimi ərini,
Dəlisov baxışla haraylayırdı.
Canını ölümün ağzından alıb,
Üzünü dağlara tutmuşdu ellər.
Vəhşi hiyləsində, vəhşi əlində
Ölümlə başını qatmışdı ellər.
Cəlladlar baxmırdı qoca, cavana,
Acıxmış köpək tək quduzlaşmışdı.
Neçə qız -gəlini əsir götürüb,
Neçə ürəkləri daşa basmışdı.
Körpə balaların dərisin soyub,
Vəhşilik toxumun yurda əkdilər.
Diriykən insanın gözlərin oyub,
Nalədən, haraydan qala çəkdilər.
Qisası alınmaz şəhid Xocalım,
Gör neçə illərdi yaran qan verir.
Dərdin gözlərimə elə çöküb ki,
Əllərim əlində qalıb can verir.
Ey harın erməni, harın köpəklər,
Bu qisas nə vaxtsa alınacaqdır!
Sizlərin o murdar cəsədinizdən,
Tezliklə bir qala qurulacaqdır!
Xalidə Nuray.02.03.2019.
www.kafiye.net
Yorum Yapın